احمد فؤاد نجم يكتب عن مدونات مصرية للجيب فى جريدة الدستور ....****.... باب استقبال الاعمال للمشاركة فى اعداد سلسلة مدونات مصرية للجيب و الاصدارات الخاصة مفتوح دائما على الايميلات المخصصة لذلك تبعا للخطوات الموضحة على المدونة و على جروب الفكرة ....****.... مدونات مصرية للجيب تطلق حالة فريدة من الحوار نتناول فيها كل مشاكل و هموم الوطن و الكل مدعو للمشاركة بالتعليقات و سيتم نشر حالة الحوار المطروحة و افضل التعليقات فى اعداد السلسلة تباعا حيث سيتم اطلاق حالة حوار عن موضوع مختلف قبل اصدار كل عدد من اعداد السلسلة ....****.... بدأ الاعداد للاصدارات الخاصة من سلسلة مدونات مصرية للجيب ....****.... برنامج شبابيك على شبكة دريم تى فى يجرى لقاء تلفيزيونى مع مدونات مصرية للجيب ....****.... برنامج العاشرة مساء على شبكة دريم تى فى يغطى حفل توقيع العدد الثانى من سلسلة مدونات مصرية للجيب بساقية الصاوى ....****.... مدونات مصرية للجيب تطلق قناة خاصة بالفيديوهات المصورة عن الفكرة على موقع يوتيوب

07 April 2008

البيان التأسيسى

إحنا راعينا فى البيان التأسيسى إنه يكون بيـــــــــان مش باين منه أى حاجه ودا مش لأننا خايفين من أى حاجه ممكن تبـــــــــان فى البيـــان .. بس لأننا حبينا إن كل حاجه تبــــــــــــــان فى وقتها .الفكره إن انا وصاحبى حبينا نعمل حاجه مختلفه مش مختلفه للى يقراها بس على الاقل مختلفه عن اللى احنا كنا بنكتبه إحنا هنا مش هنتكلم عن شعر أو اعمال ادبيه زى اللى كنا بنكتبها فى انكسارات ومزاج .. كل اللى هيحصل إننا هنتكلم كلام اتنين صحاب بيتكلموا ساعات فى الدين وساعات فى السياسه وساعات عن تفعيل دور الرجل فى المجتمع وساعات تانيه عن الحب والجواز وساعات عن تفعيل دور الجواز فى المجتمع ... صحيح احنا مروحناش ديسكو قبل كده بس بردو ممكن نتكلم عن الديسكو ... ببساطه الكلام هو كل حاجه فى حياتنا يعنى انتوا هنا هتلاقوا مزاج جديد وانكسارات مش موجوده أصلاً ... الحاجه الوحيده اللى ممكن متلاقوهاش هنا هى الكلام عن السياسه لأننا بنحب نمشى جنب الحيط ومش بنحب نتكلم فى السياسه ... صحيح احنا ممكن نتكلم عن الرؤيه المستقبليه لتفعيل اللا مركزيه السياسيه وعن ثقافة الهيموقراط والبرجوازيه الغير خلاقه واكيد هنتطرق فى كلامنا للعلاقه بين العصيان المدنى ومستقبل مصر لكن بردو مش هنتكلم فى السياسه ... انا عارف ان لسانا بياكلنا وممكن نفكر نش تييييييييييت او ممكن نجيب سيرة ابو تييييييييييييييييييت عموما مش هنتكلم فى السياسه انا لسه متفق مع احمد انى مش هجيب سيرة الريس ولا الحكومه ولا النظام ولا اى حد وحالفين القسم انا وهوا ومغنيين اغنية لو سألتك انت مصرى ببساطه المدونه دى محاوله للتمرد على المألوف ساعات هتقروا البوست وساعات هتسمعوه
احمد البوهى واحمد مهنى
انا وصاحبى

22 رأيك يهمنا:

Anonymoussaid...


واصطنعتك لنفسي
said..
كتبت وقد أيقنت يوم كتابتي ستفنى يدي ويبقى كتابها
فإن عملت سوء ستجزى بمثله وإن عملت خيرا فخيرا جزائها

بجد عنوان جامد يجعل أي انسان يراجع نفسه عدة مرات قبل أن يحاول القراءة..لكن أعتقد إنها ان شاء الله هتكون
Hit كبيرة في عالم المدونين

مبرووك عليكم المدونة .. وبارك الله لكما في صداقتكما وجعلها أخوة وحب في الله صادق ودائم

سعيدة جدا أن أول تعليق كان من نصيبي
:)
إيمان

09 أبريل, 2008 01:07 ص

Anonymoussaid...


محب الدين
said..
السلام عليكم ورحمة الله وبركاته

مبروك المدونة .. وربنا يجعلها لنصرة دينه ونصرة الأمة يارب

وربنا يبارك فيها

09 أبريل, 2008 07:26 ص

Anonymoussaid...


عبدالرحمن فارس
said..
مبروك

ولكم التوفيق ان شاء الله

تحياتي ومحبتي
لساني هو القلم
Www.chabfares.arwp.net
عبدالرحمن فارس

تحياتي
و
محبتي

09 أبريل, 2008 08:02 ص

Anonymoussaid...

appy said..
مبروك عليكم وعلينا وجودكم هنا
حلو قوي البيان هننتظر الجديد

09 أبريل, 2008 10:21 ص

Anonymoussaid...

Salwa said..
مبرووووووووووك المدونه

وربنا يوفقكم دوما

دمتم بكل خير

09 أبريل, 2008 12:05 م

Anonymoussaid...


قلب ينبض لله
said..

الف مبروك المدونه

بس ياريت متتأخروش علينا في البوستات

أصل الاستاذ/أحمد البوهي بيتأخر كتيير في بوستاته في بلوج انكسارات

أنا لسه ها أدخل اشوف بلوج مزاج اللي متأكده من البدايه انه بلوج يستحق المتابعه فعلا

ربنا يوفئكوا يارب

09 أبريل, 2008 02:16 م

Anonymoussaid...


حازم سويلم
said..
فعلا كل شئ باين من البيان التأسيسى, بس شكلها هتبقى مدونة مختلفة ومميزة.. انا معاكم أو Iam in بتعبير الأميريكيين

تحياتى

09 أبريل, 2008 06:48 م

Anonymoussaid...


دكتور حر
said..
الم هدومي وشنطتي ومدونتي وأوم أروح انا بقى

في انتظار البهاريز يا رجالة
والف مبروك

10 أبريل, 2008 12:16 ص

Anonymoussaid...

Monzersaid..
هي بقت كده

ماحدش يقولى حاجة ولا يجبلى سيرة

طب تييييييييييييت
يا ولود تيييييييييييت

شكلك واخدها من حد يا مهنى :))

منتظر على احر من الجمر اللوز لوزجى ما نجالاوز

وع الهامش للبوهى عاوزين احمد حلمى .. افرح شوية وفرحنا معاك مش عاوزين غم ولا غموض

وطبعا أبو الغموض كله مهنى

اياك أقرا ليك حاجة وقعد افكر وادعبس عن قصدك ايه

عاوز فرحة وقلة ادب ومجون وهبل وهطل

وقلة أدب

خلاص الادب مابقاش ينفع

مع ولود تييييييييييييييت










ماليش دعوة يا باشا انا دخلت المدونة دى غلط
أصحابها اسمهم احمد مهنى وأحمد البوهى
لو اتأخرتوا هانشر الداتا كاملة وبالصور

وولقد أعذر من انذر .. من طرف اخوكم المنذر

10 أبريل, 2008 02:01 ص

Anonymoussaid...


دنــــيــــــا مـحـيـرانـي
said..
الف مبروك و مستناينكوا علي احر من الجمر و مع الوقت لو احتجتوا ناس معكم تبقوا تعلنوا كلنا اكيد هانكون معكم
تحياتي و بالتوفيق ان شاء الله

10 أبريل, 2008 02:24 ص

Anonymoussaid...

simple girl.. ..simple dreamsaid..
مبروك المدونة الجديدة ومنتظرين الابداعات

10 أبريل, 2008 05:28 ص

Anonymoussaid...


خبيب
said..
ألف ألف مبروك المدونة الجديدة

متوقع إنها تكون رهيبة

---

بيان جميل وبيان معقول مقدرش أقول حاجة عنه

10 أبريل, 2008 05:33 ص

Anonymoussaid...


سكوت هنصوت
said..
ياااااااااه

هييييييييييييييييييه

ايه الحلاوة دي....شاعري المفضلين بقم بيتكلموا كده زي البيني ايدمين...منغير
اشعار ولا نثريات

هيتكلموا بالهجايص كده الكلام الشيعبي السلي بتاع الناس....

بجد بجد بجد فكرة اكتر من رائعة

حافظا على هذه الصداقة كيفما استطعتم

فأجمل الصداقة هي صداقة الأنداد...

تحياتي الخالصة..,الخاصة...وعايزة حبة اشعار بقى من الي هي...اشعار من العيار الثقيل الي كلها بهاريز خفية ومعاني قوية

10 أبريل, 2008 02:12 م

Anonymoussaid...

Ahmed Al-Sabbagh said..

رائع

بداية موفقة وفريدة

ننتظر المزيد

وبالتوفيق والى الامام

احمد



10 أبريل, 2008 03:19 م

Anonymoussaid...


همسات دافئه
said..
الله هو حزين طلع صاحب المنكسر
دا الحقيقه انا متفائله جدا:):):)
بس واضح انها بدايه موفقه فى انتظار اول بوستاتكم
سلامات
شيماء:)

10 أبريل, 2008 05:20 م

Anonymoussaid...

Yuki said..
ألف مبرووووووووووووووك البلوج الجديد

و على فكرة الكتابة فى مدونة مشتركة مع حد ليها روح مختلفة و جميلة اوى

ربنا يوفقكوا إن شاء الله و مستنيين البوستات اللى ان شاء الله هتكون جامدة زي البيان التأسيسي :D

10 أبريل, 2008 08:11 م

Anonymoussaid...


بنت أبيها
said..
مبروووك المدونة

وفي انتظار اجمد تدوينات

11 أبريل, 2008 05:16 ص

Anonymoussaid...


مصر اللى مشفتهاش
said..
مبروووك المدونة الجديدة ومنتظرين البلوجات الجديدة المقرية والمسموعة .. واللى مالهاش في السياسة..:)

ربنا يوفقكم

11 أبريل, 2008 05:52 ص

Anonymoussaid...


Omar... [ خروشات ]
said..
مشاء الله

اول القصيدة......... بهجة

شدوا حيكلم.. عازين نتحبس جميعا ولا يهمكم

11 أبريل, 2008 06:00 ص

Anonymoussaid...


فى القلب
said..
الله الفكره بجد خطيره ورائعه وفخر لكل انسان يشارك بها
ربنا يوفقو وتكون الفكره منبر متوهج للتعبير عن الذات
مبروك على الأحمدين ما صنعت أيديهما

وتسلم ايديكم مقدماً على كل شئ

13 أبريل, 2008 02:07 ص

Anonymoussaid...


ملكة التأمل
said..
النظرية..النظرية هى ان تولد الفكرة لسبب ما وبطريقة ما..وتمتد وتتنامى حتى تستثير صاحبها ان يكون له نظرة خاصة فى هذه الفكرة..ثم تقترن الفكرة بالنظرة..فتصبح نظرية..اعتقد انه اقترنت افكاركم الادبية بنظراتكم الابداعية لمكونات الحياة ومظاهر التفاعل بداخلها ..وكل مايتعلق بخبراتكم ..احاسيسكم..رغباتكم ما وراء نزعات حب الاستكشاف والمضى داخل طريق ||هل من مزيد||..المهم انه لديكم نظرية احببتم اجلائها ربما تتيح مساحة داخل الرؤوس لتفعيل ثقافة هل من مزيد ولتقصير المسافة مابين الفكرة والنظرة ..ثم المزيد من النظريات لتجلى فى هذا العالم وتدخل دورتها التدريجية لتوليد المزيد والمزيد...يقينى ان لكم رسالة ولذا احببت ان احييكم بغض النظر عن درجة اقتناعى بهذا العمل..فتحية لاصحاب النظريات..زميلتكم بفريق مساندة"نوايا خالصة"

Anonymoussaid...

الحملة المصرية لاسترداد الكرامة المصرية
شارك معنا لاسترداد كرامتنا
نعم للمعاملة بالمثل
الجلسة الاولي يوم 3/7/2008


ندعوكم للانضمام إلينا
في المطالبة بالمعاملة بالمثل
في الدعوى رقم 39535 لسنة 62 ق بمحكمة القضاء الادارى
ومقرها: مبنى مجلس الدولة شارع مراد بجوار شيراتون القاهرة - الدقي
الجلسة الاولي يوم 3/7/2008

وكل من يريد الانضمام لنا في هذه الدعوى وهدفها النبيل عليه الحضور بالجلسات وانضمامه معنا في طلباتنا بالدعوى سواء بشخصه أو بواسطة محاميه أو عمل توكيل خاص برقم الدعوى للمستشار إبراهيم عباس خليل المحامى بالنقض وإرساله بالبريد على المكتب بالعنوان: 12 شارع سامي البارودي – عابدين - القاهرة للحضور به نيابة عنه كطرف منضم لطلباتنا بالدعوى مجانا
او الاتصال بأي من مدراء الحملة المصرية والتنسيق معه:

المستشار /ابراهيم خليل المحامى بالنقض نائب مدير عام الشبكة والحملة
موبيل 0105225061 مكتب 23952217
الاستاذ/ محمد متولى المحامى مراقب عام الشبكة والحملة
الاستاذ/ بيشوى بغدادى المحامى المشرف الرئيسى لمنتدى المحامين العرب والحملة
موبيل 0129538396
او الاتصال بالمستشار الاعلامي للشبكة والحملة
موبيل 0123101943
مع تحيات مدير عام الشبكة والحملة المصرية لاسترداد الكرامة المصرية
الدكتور/ رأفت عثمان
admin@rafatosman.com
00971507207301

كل تفاصييل القضية ومستنداتها ستجدها بأي من الموقعين
http://www.mohaamoon.com
http://www.rafatosman.com/vb/showthread.php?t=91868
وليكن لكم مكانا بيننا في استرداد كرامة المصري بالداخل والخارج

كيفية عمل التوكيل لحضور اولى جلسات استرداد الكرامة المصرية بمجلس الدولة
http://www.rafatosman.com/vb/showthread.php?t=96388