احمد فؤاد نجم يكتب عن مدونات مصرية للجيب فى جريدة الدستور ....****.... باب استقبال الاعمال للمشاركة فى اعداد سلسلة مدونات مصرية للجيب و الاصدارات الخاصة مفتوح دائما على الايميلات المخصصة لذلك تبعا للخطوات الموضحة على المدونة و على جروب الفكرة ....****.... مدونات مصرية للجيب تطلق حالة فريدة من الحوار نتناول فيها كل مشاكل و هموم الوطن و الكل مدعو للمشاركة بالتعليقات و سيتم نشر حالة الحوار المطروحة و افضل التعليقات فى اعداد السلسلة تباعا حيث سيتم اطلاق حالة حوار عن موضوع مختلف قبل اصدار كل عدد من اعداد السلسلة ....****.... بدأ الاعداد للاصدارات الخاصة من سلسلة مدونات مصرية للجيب ....****.... برنامج شبابيك على شبكة دريم تى فى يجرى لقاء تلفيزيونى مع مدونات مصرية للجيب ....****.... برنامج العاشرة مساء على شبكة دريم تى فى يغطى حفل توقيع العدد الثانى من سلسلة مدونات مصرية للجيب بساقية الصاوى ....****.... مدونات مصرية للجيب تطلق قناة خاصة بالفيديوهات المصورة عن الفكرة على موقع يوتيوب

14 May 2008

ميلاد حلم



ـوعدناكم
ووفينا بالوعد
.
كان مجرد حلم لكننا اجتهدنا .. صارعنا كل الظروف والمحبطات
.
كان الايمان بالحلم أعمق من أى الم
.
أيام مضت لم ننم فيها .. وايام اخرى لم نرى اهلنا ولا بيوتنا
حالة من الانقطاع عن الذات
ولكن
فرحة تحقيق الحلم اعمق من أى شئ وأبقى
موعدنا
الخميس 22/5/2008 الساعه 6.30مساء
وسط البلد - ميدان التحرير -شارع طلعت حرب - مكتبة عمر بوك ستور
فوق مطعم فلفلة
موعدنا مع انطلاقة حلم وميلاد جيل جديد من الكتاب والمثقفين
موعدنا معكم وفى انتظاركم
مع حفلة توقيع العدد الاول من مدونات مصرية للجيب
أنا وصاحبى

24 رأيك يهمنا:

Anonymoussaid...


مصــــري..!!
said..
الف الف مبروك.

من الجميل تري حلمك يتحقق ويكبر أمامك.
رجال والله رجال.

مبروك مرة تانية وعقبال العدد المليون.

أسامة

14 مايو, 2008 01:59 م

Anonymoussaid...


بت خيخة وأى كلام
said..
الى الاحمدين
مهنا والبوهى

الف مبروك لكل المشتركين فى الكتاب ده

بس انا عندى ملحوظة عايزة اقولها علشان تبقوا تاخدوا بالكم منها المرة اللى جاية فى الاعداد الجديدة
الغلاف شكله مش ولا بد خاااااااالص

انا بقول كلامى ده عن دراسة مش كلام وخلاص
بما انى درست اعلام واخراج صحفى كنت خدت حاجة اسمها تصميم الغلاف
وخدت حاجة اسمها اسوء التصاميم واحسن التصاميم
وتصميم الغلاف بصراحة داخل من ضمن قائمة اسوء التصاميم
ياريت المرة اللى جاية تخلوا التصميم يكون صورة واحدة فقط
او صورة واحدة رئسية وحواليها صورة صغنونة

يارب اكون عرفت اوضح وجهة نظرى
لو معرفتش اوضح فده محتاج شرح علنى لما اشوفكم بقى
بس عموما انا فرحانة

مش انا اسمى مكتوب برضه ولا اييييييييه؟

تحياتى ليكم على مجهودكم

ونتقابل على خير فى حفل التوقيع

بس قولولى هو برضه مافيش سبوبة كدة ولا كدة؟

خلاص بلاش تبصولى شذرا كدة
انا ماشية بكرامتى

سلام
اختكم خيخة

14 مايو, 2008 03:14 م

Anonymoussaid...


محمد عبدالحي السيد يوسف
said..
ألف شكر يا رجالة على المجهود و الواجب الكبير ده

و فعلا الأخت الخيخة عندها حق
الغلاف ما يشجعش إطلاقا
بس ملحوقة .. تتعوض الأعداد الجاية


كان نفسي برضه تبعتولنا فهرس الكتاب علشان نروح الحفلة و أحنا عارفين بعض شوية .. و برضه علشان نعرف نعلن عن الكتاب بشكل احسن


بالتوفيق يا رجالة

15 مايو, 2008 02:49 م

Anonymoussaid...


حزيــــــــــــــــــن
said..
ان شاء الله كل المدونين اللى مشتركين فى الكتاب هيجوا بدرى نص ساعه عشان يتعرفوا على بعض

15 مايو, 2008 03:30 م

Anonymoussaid...


كلام على بلاطة
said..
ميل الكلام والاجمل العمل
عايزين نشوف اول ميلاد للمشروع
رد علينا وعبرنا لايا اخى انت وصاحبك
تحياتى

16 مايو, 2008 04:48 ص

Anonymoussaid...


جيهان علي
said..
السلام عليكم ورحمة الله وبركاته

مبارك عليكم وعلى كل من شارك في العدد الأول
تحقيق هذا الحلم الجميل


بالتوفيق دائما


تحياتي

16 مايو, 2008 09:50 ص

Anonymoussaid...


Sally
said..
ألف مبروك لكم
ولنا
ولتحقيق الحلم
ولكل من شارك فى العدد الخاص جدااا

ياريت تبعتوا شوية لدمياط لابو حجازى " المنفذ الرئيسى لبيع الجرائد والمجلات والكتب بالمدينة " امام مكتب ابو طبل للنقل بالسيارات

وتعرفووووووووونى عشان نفسى بجد أشوفه

اتمنى ان يلاقى العدد الاقبال المرجو منه

دمتم بكل الخير

سالى

16 مايو, 2008 10:55 ص

Anonymoussaid...

bocycat said..
مبروك لكم ولفكرتكم الجميلة اول مرة اشوف حد بيفكر فى غيره وده نادر جدا يارب دايما كدة على طول ويارب اقدر احضر عشان اشوف الناس الحلوين دولا ... تحياتى

16 مايو, 2008 04:17 م

Anonymoussaid...


حرة المداد
said..
سلام الله عليكم ومبروك لكما هذا المجهود الضخم ولكل مدون خرج من خلف أسواره الالكترونية الى نور الشارع الحي...جميل هذا الاصرار على تحقيق الحلم وأجمل منه ان نراه تحقق وان يدوم طويلا...كل الدعوات ان يكون مشروعكما لبنة في نهضة الوطن والامة فأول الغيث قطرة.تحياتي

17 مايو, 2008 05:41 م

Anonymoussaid...


الطائر الحزين
said..
بارك الله فيكم

بالنجاح والتوفيق

اعانكم الله

18 مايو, 2008 03:46 ص

Anonymoussaid...

CAIROCOMPUTERsaid..
مبروك للجميع وسنكون اول برنامج اذاعى نتحدث عن هذا الحدث المهم جدا ونحن اول برنامج اذاعى عن النت والمدونين فى الشرق الوسط ويذاع يوميا على اذاعة مصر الرئيسيه فى التاسعه وعشر دقائف صبتحا عدا الجمعه ويمكن الستماع الينا من اى مكان فى العالم من رابط بموقعنا
http://dear.to/cairo
بالموقع كافة التفاصيل وعنوان مدونتنا لأى ملاحظات وكذلك عنوان جروب مستمعى واصدقاء البرنامج على الفيسبوك
نرجوا التواصل لمعرفة انطباعاتكم عن هذا الحدث المهم لأذاعتها فى اقرب قرصه

19 مايو, 2008 08:59 ص

Anonymoussaid...


بيتنا القديم
said..
يا جماعة والله ما عارف اقولكم ايه من فرحتي بيكم...انتم فعلاً تخطيتم الرقم الصعب..وعملتم نقلة نوعية..وحسستونا ان مصر فيها شباب لسه عندوا ارادة
بجد الف الف الف مبروك..!!
(:

20 مايو, 2008 04:39 م

Anonymoussaid...


الاسطى
said..
مبرووووووك ألف مرة ...
مبروووووك من هنا لبكرة الصبح ..
الفكرة عبقرية جدااااااا ..
بس عايز أعرف ...
أنا من الزقازيق
أشترى الكتاب إزااااى
إلاقيه فين ؟
يار بيكون ها ييجى الزقازيق
هو الموضوع مش مشكلة أوى أوى يعنى ..
انا ممكن أجى القاهرة مخصوص علشان الكتاب دا ...
إن شاء الله يعنى ...
بس ينزل ..
تحياتى ليكم جميعا ..
و ربنا يوفقكم ..

21 مايو, 2008 11:53 ص

Anonymoussaid...

Ema said..
ألف مبروك وعقبال الأعداد الجايه وربنا يوفقكم

21 مايو, 2008 02:43 م

Anonymoussaid...


محمد الجرايحى
said..
السلام عليكم ورحمة الله وبركاته
أكيد الفرحة كبيرة والسعادة تملأ القلوب
مليون مبروك بميلاد فجر جديد فى عالم التدوين .. وإن شاء الله من نجاح إلى نجاح

تقبلوا تقديرى واحترامى
أخوكم
محمد

21 مايو, 2008 03:35 م

Anonymoussaid...

Om Dodo 7abiby said..
ألف مبروووووووووك حفل التوقيع
ياريت لو سمحتوا تنزلوه فيديو
منتظرة وكلى شوق لمشاركتكم الحدث

دمتم بكل الخير
سالى

22 مايو, 2008 05:28 م

Anonymoussaid...


ياسر سليم
said..
الفين مبروك

وكان نفسى المشاركة معاكم فى الحدث الرائع ده

بس للأسف انا خارج مصر

تحياتى

23 مايو, 2008 02:40 ص

Anonymoussaid...

loumi said..
ألف مبروك

أنا عرفت الموضوع من مدونه أحمد سلامه

جميل جدا إن الواحد يحلم ويحقق حلمه

ربنا يوفقكم وتشوفوا حلمكم بيكبر ويكبر

23 مايو, 2008 04:01 ص

Anonymoussaid...

HARD TIMES said..
حلمي وحلمك وحلم الجيل
بداية كانت من اربع سنين
نكتب سطور بين النور
تظهر وتقراء للجمهور
كتاب مطبوع بحرف محبور

مبروك يا جماعة علي الحلم اللي تحقق
وكنت سعيد اني كنت موجود في هذة الحفلة الجميلة وشفت الفرحه في عيون الجميع
تحياتي للجميع
بالتوفيق ان شاءالله

23 مايو, 2008 05:00 م

Anonymoussaid...

sendbad said..
مبروك لينا ولكل المدونين
تحياتي

27 مايو, 2008 03:48 ص

Anonymoussaid...


كيكى
said..
مبروووووووووووووووووووووك

27 مايو, 2008 12:31 م

Anonymoussaid...

shimooo said..
مبارك لجميع المشاركين شيئ جميل تحقيق حلم بعد طول عناء

ولو فيه اي سلبيات منزعلش اكيد لازم واول الخطوات لابد ان تكون متعثره قليلا

يارب تتحقق كل الاماني باعلام حر واقلام تتحدث بدون خوف

28 مايو, 2008 12:13 ص

Anonymoussaid...


نسر الشرق
said..
السلام عليكم

دى اول زيارة لية

هذة المدونة جميلة ودماها شربات

سلااااام

Anonymoussaid...


بنت مصريه
said..
الف مبروك
هو ده فعلا شباب مصر
اتوا اثبتوا ان لسه فيه رجاله ف البلد
انا والله معرفتش موضوع الكتاب دا الا قريب
عشان كده مجتش الاحتفال بالكتاب
وان شاء الله اجى ف العدد الجاى
جزاكم الله خيرا

02 يونيو, 2008 01:08 م