احمد فؤاد نجم يكتب عن مدونات مصرية للجيب فى جريدة الدستور ....****.... باب استقبال الاعمال للمشاركة فى اعداد سلسلة مدونات مصرية للجيب و الاصدارات الخاصة مفتوح دائما على الايميلات المخصصة لذلك تبعا للخطوات الموضحة على المدونة و على جروب الفكرة ....****.... مدونات مصرية للجيب تطلق حالة فريدة من الحوار نتناول فيها كل مشاكل و هموم الوطن و الكل مدعو للمشاركة بالتعليقات و سيتم نشر حالة الحوار المطروحة و افضل التعليقات فى اعداد السلسلة تباعا حيث سيتم اطلاق حالة حوار عن موضوع مختلف قبل اصدار كل عدد من اعداد السلسلة ....****.... بدأ الاعداد للاصدارات الخاصة من سلسلة مدونات مصرية للجيب ....****.... برنامج شبابيك على شبكة دريم تى فى يجرى لقاء تلفيزيونى مع مدونات مصرية للجيب ....****.... برنامج العاشرة مساء على شبكة دريم تى فى يغطى حفل توقيع العدد الثانى من سلسلة مدونات مصرية للجيب بساقية الصاوى ....****.... مدونات مصرية للجيب تطلق قناة خاصة بالفيديوهات المصورة عن الفكرة على موقع يوتيوب

24 October 2008

بيكم هنكمل












لولا اختلاف الاذواق

مازلت الاراء مختلفه

فى العدد الاول البعض قال ان تقسيم الكتاب من الداخل مكانش موفق وان الكتاب كان المفروض يتقسم بشكل مخصص لكل قسم حسب نوعه والبعض قال ان الغلاف كان زحمة اوى واسم الكتاب مكانش ظاهر بين الزحمة وانه مكانش جذاب

--

فى العدد الثانى البعض قال ان الكتاب كده اصبح تقليدى جدا وان تقسيم العدد الاول كان اجمل لأنه كان بيقتل اى حالة من الملل لأنك ممكن تقرأ مقال عميق جدا وتخرج منه على نص ساخر وبعدين تقرأ قصيده عامية او فصحى وبعدين ترجع على نص ادبى فكنت بتشعر بحالة التدوين زى ما هى وفى النهاية فإن جودة الكتابه نفسها هى اللى بتحكم مش التقسيم

---

فى الحقيقه كلنا اغفلنا نقطه مهمة جدا اننا بنكتب حاليا للناس مش للمدونين وان كان دا مهم جدا ولكن احنا هدفنا نخرج للناس مش نقرأ لبعض .. ومش كل الناس بتحب القراءه او بتقبل عليها

عشان كده احنا عملنا كذا بحث فى المكتبات وبياعين الكتب عشان نوصل للشكل اللى ممكن يجذب القارئ اللى بيتردد عليهم

ووصلنا لشكل الغلاف اللى صدر بيه العدد الثانى

حاليا يهمنا رأيكم فى تقسيم الكتاب من الداخل -- فى شكل الكتاب -- فى حجمه -- فى توزيعه -- طرق مقترحه للاعلان عنه -- رأيكم فى العددين وبتفضل اى عدد منهم وليه ؟

هل لو تم تصغير حجم الكتاب لحجم كتب الجيب المعتاده يكون افضل ؟

المحافظه على التيمه اللى خرج بيها العدد الثانى للسلسلة ؟

المحافظه على التيمه اللى خرج بيها العدد الاول للاعداد الخاصه من السلسلة ؟

تقييمك الشخصى لنجاح الاعداد وحفلات التوقيع ؟

رأيك السلسلة اضافة ايه للتدوين ؟

لو سمعت اراء من غير مدونين عن الكتاب انقلها لنا من فضلك

لو فى اسئله تانيه عايز تجاوب عليها ممكن تضيفها وتجاوب عليها