احمد فؤاد نجم يكتب عن مدونات مصرية للجيب فى جريدة الدستور ....****.... باب استقبال الاعمال للمشاركة فى اعداد سلسلة مدونات مصرية للجيب و الاصدارات الخاصة مفتوح دائما على الايميلات المخصصة لذلك تبعا للخطوات الموضحة على المدونة و على جروب الفكرة ....****.... مدونات مصرية للجيب تطلق حالة فريدة من الحوار نتناول فيها كل مشاكل و هموم الوطن و الكل مدعو للمشاركة بالتعليقات و سيتم نشر حالة الحوار المطروحة و افضل التعليقات فى اعداد السلسلة تباعا حيث سيتم اطلاق حالة حوار عن موضوع مختلف قبل اصدار كل عدد من اعداد السلسلة ....****.... بدأ الاعداد للاصدارات الخاصة من سلسلة مدونات مصرية للجيب ....****.... برنامج شبابيك على شبكة دريم تى فى يجرى لقاء تلفيزيونى مع مدونات مصرية للجيب ....****.... برنامج العاشرة مساء على شبكة دريم تى فى يغطى حفل توقيع العدد الثانى من سلسلة مدونات مصرية للجيب بساقية الصاوى ....****.... مدونات مصرية للجيب تطلق قناة خاصة بالفيديوهات المصورة عن الفكرة على موقع يوتيوب

11 April 2008

حلم جديد



فكرة الحلم ببساطه بدأت من اربع سنين ... الحلم كان الشعب يسمع من بعضه ... ان الدماغ اللى تتكلم وتكتب مش لأنها دماغ واحد قاعد فى برج عالى مكيف واسمه كاتب ومشهور .. لأ بس عشان دماغ واحد حاسس بالناس وعايش بينهمالفكره كانت ان اللى يطلع يتكلم عن مشاكل رغيف العيش والمواطن المطحون ميكونش واحد عنده عربيه مكيفه وبينزل يقعد فى الاستوديو المكيف ويتصور جنب مذيعه بتقوله سيادتك ومعاليك .. الحلم كان ان اللى يطلع يتكلم عن الشعب يبقى عايش وسط الشعب مش حقد على الناس اللى قاعده فى الابراج لأ اطلاقا ولكن لأن اللى قاعد فى البرج دا شغلته كاتب شغلته انه يطلع فى التليفزيون ويتكلم لكن مش دايما بيكون حاسس بيهمومجتمع المدونات بيوفر الكاتب اللى عايش وسط الناس ومرتبط بيهم لكنه مش كاتب واحد دا عدد غير معروف من الكتاب ومن هنا ابتدأ الحلم الجديدالحلم هو عمل سلسلة كتب تصدر بشكل دورى تجمع افضل كتابات المدونين فى كل الاتجاهات على ان يتم تصنيفها حسب نوعها هل هى ادبيه ولا اجتماعيه ولا مقالات حره وسياسيه ويتم عمل كتاب لكل نوعالحلم كان صعب لكنه اصبح حقيقه ... من فتره وانا واحمد بنفكر فى الموضوع دا من بداية نشاطنا التدوينى وبفضل الله الفكره اصبحت رسميه وقدرنا نتفق على تفاصيل النشر ... طبعا سلسة الكتب دى واللى هتصدر بشكل دورى معموله اساساً عشان القارئ المصرى يقرأ لكاتب مصرى عايش حياته ممكن يكون مدون جاره ممكن يكون مدون فى الصعيد او الدلتا لكنه عايش نفس اهتماماتهشروط الانضمام للكتاب ايهمفيش شروط ... اه مفيش شروط غير انك تكون عايز تقدم فكركطب القيود ايه
مفيش قيود غير ان الكتابات متحملش تجريح او اساءه لأى شخص حتى لو كان يستحق الاساءه وإن المقالات ذات الطابع السياسى تكون بناءه يعنى مش شتيمه وخلاص لأ لازم تكون بتقدم وجهة نظرالمطلوب ايه عشان تنزل اعمالك فى الكتابالمطلوب حاجتين الاولى تبعتلنا ايميل والتانيه تنشر الفكره بين زمايلك عشان متبقاش انانى وعشان منحجبش فكر او وجهة نظر اى واحد مصرى ممكن تكون رؤيته مهمه بالنسبه لحد تانىالحلم دا حلمنا كلنا ان يكون فى ايد كل مصرى مجموعه من المدونات ماشى بيها فى كتابان اللى مش بيدخل نت وميعرفش حاجه عنه ويدوبك بيعرف يقرأ يقدر يتابع اهتمامات بلده وابناء بلده
السلسله هتكون سلسله ادبيه - سلسله اجتماعيه وسلوكيه - سلسلة مقالات حرهحقوق الملكيه الفكريه محفوظه والفكره مسجله
توصلنا ازى
على رقم التلفون دا لأى استفسار كل يوم من الساعه تسعه للساعه عشره مساءً
0115659038
او على ايميلاتنا
احمد البوهى
أحمد مهنى
الجرووب على الفيس بوك
مدونات مصريه للجيب
من هنا ابعت الرساله وعنوانها عمل ادبى او اجتماعى او حر
اى نوع من الاعمال خواطر كانت او اشعار او ازجال او قصص او مقالات او اى شئ
وتبعتلنا عنوان مدونتك ورقم التلفون والمحافظه فى مصر ورؤيتك او مقترحاتك
اختار البانر اللى يعجبك واعلن عن الفكره

40 رأيك يهمنا:

Anonymoussaid...


حازم سويلم
said..
أول تعليق .. اللى قبلى فشنك

الفكرة ممتازة طبعا, بس عايزة شغل من نار عشان التجربة تنجح, انا عاوز أشترك .. بس ليا رآى ان الأعمال لا ترسل لكم بل يتم عمل أنتقاء من البوستات فى جميع المدونات .. ايه رأيكم

تحياتى للدماغ العالية

11 أبريل, 2008 08:55 م

Anonymoussaid...


أنا وصاحبى
said..
حازم هى الفكره اصبحت قائمه بالفعل وان شاء الله ناجحه ناجحه لأن العدد الاول هيصدر قريب جدا
اكيد بيتم عمل انتقاء من بعض المدونات بس دا مش كفايه
وانا هنوه عن ده فى البوست

11 أبريل, 2008 09:04 م

Anonymoussaid...


أنا وصاحبى
said..
حازم ابعتلنا اعمالك اللى عايز تنشرها على الايميلات

11 أبريل, 2008 09:04 م

Anonymoussaid...


واصطنعتك لنفسي
said..
دا شغل جامد جداً ما شاء الله
فكرة رائعة ومبارك عليكم التنفيذ

جميل ان الواحد يعاصر ظهور سلسلة كبيرة وتكبر إن شاء الله قدام عينيه ..فكرتوني زمااان بما وراء الطبيعة وفانتازيا وروايات .. طب والله أنا لسه بقراهم أنا وأخواتي.. يعني أضمنلكم قراء دايمين هيشتروا الكتاب يعني هيشتروه .. بس كله بنسبتة :)

ان شاء الله السلسلة تلقي نجاح كبير وله صدي واسع
هحط البانر علي البلوج عندي
ربنا يوفقكم

إيمان

12 أبريل, 2008 01:46 ص

Anonymoussaid...


سكوت هنصوت
said..
الله على الشباب وافكاره

مية مية يا بو العربي

خلاص البانر اتحط عندي بالفعل

و الباقي ان شاء الله هو انتظار النتيجة

هستنى اول عدد بفارغ الصبر

12 أبريل, 2008 06:43 ص

Anonymoussaid...

rona said..
بجد فكره رائعه جدا
اتمنى لها النجاح وربنا يوفقكم يارب
وتعملوا احسن سلسله

12 أبريل, 2008 08:10 ص

Anonymoussaid...

ayman badr said..
فكرة ممتازة بس المهم التنفيذ وعندى استفسار تكلفة الطبع والتوزيع هتبقى على مين؟
وهيبقى التوزيع فى القاهرة بس ولا بقية الأقاليم؟
شكرا

12 أبريل, 2008 04:22 م

Anonymoussaid...


أنا وصاحبى
said..
التكاليف علينا يا ايمن طبعا وهيتم التوزيع على مصر كلها بس وفقا لخطه توزيعيه بداية بالقاهره والاسكندريه وبعدين بالانتقال لباقى المحافظات

12 أبريل, 2008 05:45 م

Anonymoussaid...


بنت أبيها
said..
جميلة الفكرة بجد

ادي الشغل ولا بلاش

بالتوفيق ان شاء الله

بس ممكن سؤال اول اصدار اللى هيطلع ده

بناء على ايه جمعتوا التدوينات اللى فيه

وهل قلتوا لاصحابها

13 أبريل, 2008 08:11 ص

Anonymoussaid...


د/اجدع بنوته
said..
جامد جدا المشروع ده ياجماعه

بالتوفييييييييق

وربنا يجازيكم خير

وان شاء الله حلمكم يتحقق وينجح كمان

13 أبريل, 2008 12:06 م

Anonymoussaid...

monaliza said..
هى فكرة جميلة طبعا بس هو انتوا اصحاب دار نشر ولا ايه؟

13 أبريل, 2008 01:35 م

Anonymoussaid...


احمد الجيزاوى
said..
شغل جامد جداً ما شاء الله
فكرة رائعة وربنا معاكم
انا هتصل بيك علشان افهم اكتر
تحياتى احمد الجيزاوى

13 أبريل, 2008 04:14 م

Anonymoussaid...

nonoymm said..
ربنا يبارك فيكوا يارب
حاضر هاخد بانر وانشره
تحياتي واشكركم على تعليقكم في الهدى ائتنا واتمنى دوام التواصل

13 أبريل, 2008 06:00 م

Anonymoussaid...

raspoutine said..
yamen_4@msn.com
0129003597
وان شاء الله نتكلم قريب

13 أبريل, 2008 06:12 م

Anonymoussaid...


رئيس جمهوريه نفسى
said..

انا جاى وحبعت اعمالى قريب

14 أبريل, 2008 01:26 ص

Anonymoussaid...

appy said..
امممممممممم حلوة الفكرة بجد
بس مش عارفه كوكبى ينفع منه حاجه ولا لا لو ينفع خدوها انتم وخلاص بس ابقوا قولوا ليه وانا هبقى انوه عن الفكرة دى فى البوست الجاى

14 أبريل, 2008 04:54 ص

Anonymoussaid...

hana said..
ربنا يوفقكــــم
الفكرة جميلة جدااا بجد

فكرة حازم حلوة كمان انه يتم
عمل انتقاء من البوستات فى المدونات

بس ياريت التوزيع يبقى فى اكثر من محافظة

مش بس القاهرة واسكندرية

تحياتى


هناااا

14 أبريل, 2008 09:17 ص

Anonymoussaid...


أحمد خفاجي
said..
الله عال أفكار
بالتوفيق

يشرفني زيارتكم لمدونتي
matpool..maktoobblog.com
والإستماع إلي شعري علي يو تيوب
youTube-khafagyah's channel

14 أبريل, 2008 05:14 م

Anonymoussaid...

HoNdA said..
سلام عليكم انا معاكم ان شاء الله بس انا مبعرفش اذا كان البوست كويس ولا لا فياريت حد يبص عندى وانا بردو هبعت الحاجات الى بحبها

14 أبريل, 2008 09:45 م


حازم سويلم
said..
انا بعت أعمالى فعلا على الأيميل, طمنونى وصلوا والا

14 أبريل, 2008 10:06 م

Anonymoussaid...

hana said..
وانا كماان عاوزة اشاارك

14 أبريل, 2008 11:17 م

Anonymoussaid...


دكتور حر
said..
يلا بينا يا رجاله

نا هجيب العده وآجي معاكم

بس في تعديل لمقترح ان يتم تصنيف الكتيبات حسب نوع الموضوع
ياريت مش تبقى كده
يا ريت يبقى الكتيب الواحد متنوع
مش في اتجاه واحد

وأنا جاهز لو عاوزين أي شيء أؤمروا فقط

14 أبريل, 2008 11:57 م

Anonymoussaid...

Carol said..
الفكرة رائعة بجد :)
و مجهودكم و شغلكم فعلا عايزة أقول عليه merci
أتبسط جدا لترشيحكم لي و هبعت لكم email فيه بعض المواضيع و أنتم أختاروا منهم
merci ثاني

15 أبريل, 2008 03:32 ص

Anonymoussaid...


أم أحمد
said..
هو انتم عندكم دار نشر ؟!

15 أبريل, 2008 09:00 ص

Anonymoussaid...


أم أحمد
said..
عموما لو عجبكم حاجة عندي ... خدوها مافيش مشاكل

15 أبريل, 2008 09:01 ص

Anonymoussaid...


لماضة
said..
والله يا جماعة انا مبسوطه جدا بالفكرة بتاعتكم دي
وللاسف ضيق وقتي مش مساعدني
وكمان حاسة ان اللى كتبته اقل من انه ينشر معاكم في حاجه هايلة زي دي
على العموم انا هبعت لكم موضوعات كتبتها
بجد انا محرجه لاني حاسه انها دون المستوى بس نفسي بجد اشارك معاكم ولو بالقليل
وهبعتلك يا احمد على الايميل اكتر مواضيع كتبتها على مدونتي وكانت قريبه مني ومن الناس

15 أبريل, 2008 09:08 ص

Anonymoussaid...


alabalatta
said..
اهلا يا صاحبى احمد سواء كنت البوهى او مهنى وانا فى انتظار طبع ديوانى ومستنى لكن ما قلتوش ازاى هتطبعوا كل المدونات .....ها انتما تعملان فى مجال النشر ولا عندكم مطابع ولا عندكم العزيمة والا ايه بالضبط
عموما فرصة سعيدة وفى انتظار الرد على احر من الجمر ......عموما الفكرة طيبة وجيدة وجميلة والمهم التنفيذ ,لو طلب مننا اى خدمة او مشاركة نحن معكم
ناجح يوسف فهمى

16 أبريل, 2008 04:13 ص

Anonymoussaid...

Ahmed Al-Sabbagh said..
اصدقائى الأحمدين

جميل جدا مجهودكم وموفق ان شاء الله

بس لسه الفكرة مش واضحة اوى

يعنى انا قريت حاجات فى الفيس بوك وحاجات هنا

عايزين بوست يصيغ الفكرة بصورة كاملة

تحياتى لكم

احمد

16 أبريل, 2008 05:32 ص

Anonymoussaid...


جيهان علي
said..
السلام عليكم ورحمة الله بركاته

الفكرة في المجمل رائعة جدًا وأهدافها جميلة .. لكنها في حاجة لبعض الشرح والتوضيح أكتر ... يعني الفكرة محتاجة يكون لها خطوات معروفة وملموسة ..

16 أبريل, 2008 09:40 ص

Anonymoussaid...


بت خيخة وأى كلام
said..
والله فكرة جميلة جدا يا احمد
هافكر فيها ولو فيه لقاء مدونين قريب ممكن جدا نناقش الفكرة دى على مستوى اوسع
تحياتى ليكم
اختكم خيخة

16 أبريل, 2008 03:02 م

Anonymoussaid...


آلام وآمال
said..
إلى الأمام
وبالتوفيق ان شاء الله
فكرة رائعة
بل أكثر

16 أبريل, 2008 10:44 م

Anonymoussaid...


نهى جمـال
said..
فكرة حلوة جدا

بس على اي أساس بيتم اختيار الاعمال الادبية أو حتى السياسية

ده استفسار على فكرة أكون سعيدة توضحه

لكن كفكرة رائعة بس المهم الدقة فيها

تحية

17 أبريل, 2008 12:25 م

Anonymoussaid...


منة الله
said..
احمد و احمد
بداية بحييكم على الفكرة و بتمنى لكم يفضل حماسكم كده فى القمة دايما مهما قابلتكم صعاب
مش حصعب الامور قد ما بدعى لكم بالصبر لان الطريق ده حقيقى على قد صعوبته لكنه ممتع للغاية خصوصا و ان تعاملكم مش بس حيكون مع المدونيين لكن حتحتاجوا لخبرات و مجهود ناس تانية ليخرج العمل للنور في ابهى صورة ممكنه
عموما رغم احتكاكى بهذا المجال سابقا لكن مقدرش افيدكم اكتر من الاخ الفاضل شاكر فوده صاحب مدونة خربانه يا جدعان لانه له خبرة ممتازة فيما يتعلق بكتب الجيب بداية من كونها فكرة الى ان تصبح حقيقة فى يد اكبر عدد ممكن من القراء
تمنياتى لكم بالتوفيق و يا رب اقدر اكتب شئ جديد يستحق النشر معكم
خالص دعواتى و امتنانى

17 أبريل, 2008 06:59 م

Anonymoussaid...


الشنكوتي الكبير
said..
فكره تحفه فعلا
ولو اني مش عارف يعني هنكتب حاجات جديده لو قبلتونا ولا هتختاروا من اللي احنا كتبناه ونشرناه في مدوناتنا
وبعدين مين هفرض رقابته علينا انتم ولا دار النشر ولا الموضوع مشاركه

وتكاليف الكتاب مين هيتحملها كل الناشرين اللي هيدخلوا ولا انتم بس ولو انتم بس اكيد طبعا هيكون الريع كله من نصيبكم لكن لو فشل لا قدر الله انتم برده هتتحملوا الخساره لوحدكم
ول اصلا المفروض اننا نلغي نقطة الماديات دي دلوقتي لحد ما نخلص تأسيس الفكره ونشرها
عموما هي الفكره حلوه قوي
ويسعدني جدا انشر عنها في مدونتي حتى لو مش هاكون معاكم
اتمنى ليكم التوفيق فيها انشاء الله

تحياتي

سلاااااااااااااااااااااااااااام

18 أبريل, 2008 03:59 ص

Anonymoussaid...


أحمد سلامــة
said..
في مية فكرة هتيجي في دماغ كل مدون بعد قراية البوست ده
بس كله اكيد مجتمع على عظمة الفكرة
حكاية سلاسل مستقلة حسب النوع او مجمعه
بيتهيالي دار النشر هيبقى عنده رؤيا افضل
وبردو الانتقاء او الاعتماد على الرسايل
ممممم تحير شوية ورؤيتكم انها تكون من ده على ده افضل الاقتراحات حتى الان
اتمنى لكم نجاح باهر وتوفيق من الله
واتمنى منكم مراعاة المحتوى الادبي للكتاب قدر الامكان
تحياتي لكما

18 أبريل, 2008 04:25 ص

Anonymoussaid...


حازم سويلم
said..
لعبت يا الأحمدين, صوركم وموضوع عن الموضوع منشورة اليوم السبت 19/4 فى المصرى اليوم , الصفحة الأخيرة

مش قولتلكم, هنتصيت يا رجالة

19 أبريل, 2008 03:44 ص

Anonymoussaid...


مسلم
said..
السلام عليكم

الفكره رائعه؛ و يا حبذا لو أبتغي بها وجه الله تعالي؛ و كان الهدف منها توجيه الشباب إلي ما ينفع أمر دينهم و دنياهم
و لذلك فأحب أن أعير إهتمامكم و أنا أعلم أنكم و لابد مهتمون؛ ألا يكون ضمن الموضوعات ما يسئ لدين الله

نريد أن نبني؛ لا أن نهدم

بالله عليكوا توخوا الحذر

أنا عارف إنكم هتاخدوا بالكوا

بس بأكد لأن الحمل أكيد هيبقي كبير عليكوا

و الأمانه أكبر

19 أبريل, 2008 11:45 ص

Anonymoussaid...


منال لطفى
said..
طب يا شباب عايزة اشارك معكم
اعمل اية كيف اتواصل معكم

19 أبريل, 2008 04:28 م

Anonymoussaid...


منال لطفى
said..
منال لطفى
مدونة اوجاع الوطن
مكتوب

19 أبريل, 2008 04:29 م

Anonymoussaid...


عاشقه الفردوس
said..
حلو اوي الموضوع ده بجد


ربنا يوفقكو يارب

واا معاكم باذن الله والبانر بكره ان شاء الله هيكون عندي في المدونه

20 أبريل, 2008 02:17 م

Anonymoussaid...


أسما عواد
said..
تجربة جميلة وبارزة جدا
أحييكم عليها
خاصة لو تم تصنيف المدونات في كتب الجيب هل هي اجتماعية سياسية ادبية حتى لا يتم الخلاف حول الكتاب
أدعوك لزيارة مدونتي الاولى على الرابط ده
http://baabalshams.maktoobblog.com/
ارشحها لمشروعك ولكن بعد تنشيطها لأني لظروف خاصة ابتعدت عنها فكرتها هتعجبك لأنها قائمة على المشاركة
أجمل ما في مشروعك العمل الجماعي انا بحبه جدا
احييك مرة تانية ومبروك
للأسف موش هقدر احضر الحفل عشان الامتحانات
مستنية ردك وتعليقك داخل باب الشمس الأول على مكتوب والتاني على بلوجر

تحياتي

17 مايو, 2008 03:27 م