من كواليس العدد الاول

اول بوست تم نشره عن الفكره بعنوان حلم جديد فى الصورة دى كان لسه على الورق الصورتين دول كانوا اول خطوة للتخطيط للفكرة على الورق .. الورقتين دول مازلنا محتفظين بيهم وهنفضل محتفظين بيهم لأنهم اول شئ بدأنا بيه مشروع كبير والحمد لله تم انجازه فى فترة صغيره جداً .. الورق دا اتكتب الساعه 11 بالليل على قهوة تعبانه وهلكانه فى بولاق ابو العلا ورا وكالة البلح وكنا راجعين من الساقيه مشى للاسعاف .. انا والبوهى قعدنا على القهوة وكالعاده احمد طلب سحلب واثر عليا واقنعنى انى اطلب سحلب بس السحلب طلع تعبان جدا واحمد نده للقهوجى وقاله انه مش عايز السحلب دا لأنه مليان نشا وميتشربش و دفعنا فلوس السحلب 5 جنيه والراجل وهوا شايل الكوبيات مليانه زى ما هى وقعت منه واتكسرت كوبايه ..المهم واليوم عدى على خير وجبنا خط محمول عشان نستقبل عليه تلفونات الفكره وشحنا الخط وروحنا الساعه اتنين بالليل وكنا خلاص صرفنا كل اللى معانا وكل واحد معاه اللى يروحوا بالعافيه تانى يوم احمد صحى من النوم لاقانى عملت جروب الفيس بوك وعملت البانرات الخاصه بالفكره ونزلت البوست على المدونه هنا ولفيت على المدونات وخدت اجازة من الشغل وعيشت حياتى بقى فى الدعايا للفكره والتخطيط ليها نظارتى وورق الفكره وكارت دار اكتب للنشر وصيغة الاذاعه القديمه للمدونه كانت هذه البدايه .. ارهاق ذهنى شاق .. سهر وتعب .. حالة من عدم التواصل مع الذات .. اجازات من العمل .. اتصالات .. مقابلات .. جهد انا وأحمد البوهى ومناقشات عميقه حول الكتاب احمد البوهى وانا اللى هو احمد مهنى البوهى أثناء كتابة مقدمة الكتاب احمد مهنى واستغراق تام فى المطالعه لبروفة الكتاب الدكتور احمد سلامه وانا والبوهى فى حوار صحفى عن الفكره وحضر الحوار الاستاذه ايناس لطفى والصديق احمد الصباغ صورة من مقهى البورصه تجمع عدد من المدونين اتوسطهم انا والبوهى ومعنا المهندس محمد عصفور المدينه والدكتورمحمد دكتور حر ومصطفى الحسينى صاحب البوابه ومحمد فتحى من موقع ابناء مصر وابراهيم عادل والصباغ ومحمود ناسا والجعفرى وغيرهم والصورة الجماعيه دى اتكررت اكتر من مره مع ناس تانيه بس الصورة دى بالذات انا جيت فيها اجرى وخدوها وانا مش مستعد ------- هذا هو نتاج الجهد الذى بذلناه وان كنا لم نصل الى افضل النتائج لكن حاولنا وبكم سنصل الى الافضل دائماً ولا تتخيلوا كم سعادتى كلما تابعت المدونات ووجدتهم يتحدثون عن فرحتهم بذلك اليومومازلنا ننتظر ارائكم التى سنبنى عليها خطتنا القادمه ونتقبل النقد لأبعد الحدود----على الهامشكل ما بنزل انا وبوهى وسط البلد بيبقى عايز يروح القهوه بتاعة وكالة البلح عشان يدفع للراجل تمن الكوبايه اللى اتكسرت ونسترجع ذكريات بداية الفكره ونطلع ورقه وقلم ونفكر فى فكرة جديده فى ذكيات كتير جميله عن الفكره يمكن نتكلم عنها بعدين معلش احنا مقصرين هنا فى المدونه بس والله مش لاقين وقت حتى مش عارفين ننزل بوستات على مدوناتنا الشخصيه مزاج وانكسارات طبعا المفروض ان المدونة دى كانت مدونتى انا وصاحبى وكنا هنتكلم فيها عن ارهاصتنا بس خلاص ولحين عمل موقع لفكرة مدونات مصرية للجيب هيتم عمل مقر جديد لمدونة انا وصاحبى وهنبقى نعلن عنه لما يخلص طبعا اللى تابعونا من البدايه كانوا عارفين انها مدونه واذاعه وده بردو اللى هيحصل هتبقى مدونة واذاعه وهتفضل المدونه دى للتعبير عن فكرة مدونات مصرية للجيب قريبا مدونة انا وصاحبى حالة تدوينة مختلفة

ميلاد حلم

ـوعدناكم ووفينا بالوعد . كان مجرد حلم لكننا اجتهدنا .. صارعنا كل الظروف والمحبطات . كان الايمان بالحلم أعمق من أى الم . أيام مضت لم ننم فيها .. وايام اخرى لم نرى اهلنا ولا بيوتنا حالة من الانقطاع عن الذات ولكن فرحة تحقيق الحلم اعمق من أى شئ وأبقى موعدنا الخميس 22/5/2008 الساعه 6.30مساء وسط البلد - ميدان التحرير -شارع طلعت حرب - مكتبة عمر بوك ستور فوق مطعم فلفلة موعدنا مع انطلاقة حلم وميلاد جيل جديد من الكتاب والمثقفين موعدنا معكم وفى انتظاركم مع حفلة توقيع العدد الاول من مدونات مصرية للجيب أنا وصاحبى

بين التنظير والتقييم

ثمة خطب ما يشغلنى تلك الفتره فى طريقى للبحث بين تلك الكائنات الحيه بكلماتنا والتى نطلق عليها مجازا المدونات .. تعثرت بالعديد من الامانى المعقوفه خلف جدران من الوهم ... وجدت العديد من الرؤى الغائبه عن المجتمع ومن القيم المكبله لا تستجدى تلك اعمال وجهة نظر الدولة او مثقفوها المشهورون فالكل يسعى خلف نظريته الخاصه غير مكترث بحالة من التفكير الابداعى اللا واعى والذى انطلق بذاته ليشق عالم اسمه التدوين فى طريقى وجدت موت امل فى كلمات من عجز الوطن عن ان يشبع فيهم طعم الانتماء وعجز نظام قائم عن ان يشكل وجدان جيل تخلى عنه منذ نعومة اظافره وعجزت وزارة ثقافه عن ان تلفت انظار المثقفين فالاحرى انها لن تنظر الى مثقفيها فى ذلك الوقت وانا انظر بين طيات تلك المدونات عجزت عن اختار ما بين النظرية والقيمهففى طريقى وجدت العديد من الشعراء المحترمين والاعمال الادبيه المبهرة ووجدت كتابات متأمله ناضجه تنم عن ثقافه متزنه وفكر راق ووجدت كتابات متوسطة المستوى وكتابات اخرى طريقة صياغتها تجعلها من الافضل ان تبقى فى مدونه فى الحقيقه اتفقت انا وصديقى على اننا سننتقى بعض المدونين والذين ستشكل اعمالهم صدى بعد نشر بضعة اعداد من الكتاب ونقوم بنشر كتب فرديه لهؤلاء المدونين اتفقنا على ان نقوم بدعم الشعراء المحترمين والكتاب اصحاب الاسلوب والصياغه والفكر الجيد سوف ندعمهم بكل ما اوتينا من قوه وننشر اعمالهم فى كتب خاصه لهم بإذن الله حتى نكون ساهمنا فى نشر تلك الافكار الى المجتمع ------ اننا يا ساده لا نقدم للمجتمع مجرد كتاب جديد ولكننا ننتج ثورة ثقافيه بمعنى الكلمه ... ثورة تتشكل فى جيل جديد من الكتاب فى كل المجالات ... ثورة تتشكل نظريتها فى نقل فكر وثقافة ظلت لسنوات موجوده ولكنها غير ملموسه فتتحول الى حاله مجسدهالنظريه كانت فى نقل المدونات الى الشارع المصرىولكن الاختيار بين مسألة التنظير فى هل نتبع النظريه كما هى ؟ ام اننا وجب علينا ان نختار من بين الاعمال لننتقى افضلها فنكون قدمنا للمجتمع قيمه مضافه جديده وبذلك نتبع نظرية التقييم ؟ بمعنى ان انشر فقط الشعر الموزون وان اراعى فى الكتابات الادبيه ترابط النص وعدم استهلاك الفكره ووحدة الصياغه مع الحفاظ على الهويه الشخصيه فى اسلوب الكاتب لا اعلم ولكنى اعتقد ان خلق حاله من التقييم فى اعمال المدونين ربما تخلق حاله من التقييم فى وجهة نظر القارئ تجاه المدونين انفسهم فيصبح المدون مطورا لأسلوبه ومتخذا نطاق فى الاعمال التى يريد نشرهااو ربما يتطور الامر ليصبح ورشة عمل فى فن الكتابه لا اعلم فالعدد الاول بكل الاحوال فى طريقه الى الطبع وحديثى معكم الان انما هو حاله من رسم منهج لأن رأيكم هو النبض الذى نهتدى به فالحلم ليس حلمى وحدىوانما هو صوت المدونين فى مصرفإما ان يمثلهم خير تمثيل او يعبر عنهم بشكل عشوائى وانتظر رأيكم