 اول بوست تم نشره عن الفكره بعنوان حلم جديد فى الصورة دى كان لسه على الورق الصورتين دول كانوا اول خطوة للتخطيط للفكرة على الورق .. الورقتين دول مازلنا محتفظين بيهم وهنفضل محتفظين بيهم لأنهم اول شئ بدأنا بيه مشروع كبير والحمد لله تم انجازه فى فترة صغيره جداً .. الورق دا اتكتب الساعه 11 بالليل على قهوة تعبانه وهلكانه فى بولاق ابو العلا ورا وكالة البلح وكنا راجعين من الساقيه مشى للاسعاف .. انا والبوهى قعدنا على القهوة وكالعاده احمد طلب سحلب واثر عليا واقنعنى انى اطلب سحلب بس السحلب طلع تعبان جدا واحمد نده للقهوجى وقاله انه مش عايز السحلب دا لأنه مليان نشا وميتشربش و دفعنا فلوس السحلب 5 جنيه والراجل وهوا شايل الكوبيات مليانه زى ما هى وقعت منه واتكسرت كوبايه ..المهم واليوم عدى على خير وجبنا خط محمول عشان نستقبل عليه تلفونات الفكره وشحنا الخط وروحنا الساعه اتنين بالليل وكنا خلاص صرفنا كل اللى معانا وكل واحد معاه اللى يروحوا بالعافيه تانى يوم احمد صحى من النوم لاقانى عملت جروب الفيس بوك وعملت البانرات الخاصه بالفكره ونزلت البوست على المدونه هنا ولفيت على المدونات وخدت اجازة من الشغل وعيشت حياتى بقى فى الدعايا للفكره والتخطيط ليها  نظارتى وورق الفكره وكارت دار اكتب للنشر وصيغة الاذاعه القديمه للمدونهكانت هذه البدايه .. ارهاق ذهنى شاق .. سهر وتعب .. حالة من عدم التواصل مع الذات .. اجازات من العمل .. اتصالات .. مقابلات .. جهد  انا وأحمد البوهى ومناقشات عميقه حول الكتاب احمد البوهى وانا اللى هو احمد مهنى البوهى أثناء كتابة مقدمة الكتاب احمد مهنى واستغراق تام فى المطالعه لبروفة الكتاب الدكتور احمد سلامه وانا والبوهى فى حوار صحفى عن الفكره وحضر الحوار الاستاذه ايناس لطفى والصديق احمد الصباغ صورة من مقهى البورصه تجمع عدد من المدونين اتوسطهم انا والبوهى ومعنا المهندس محمد عصفور المدينه والدكتورمحمد دكتور حر ومصطفى الحسينى صاحب البوابه ومحمد فتحى من موقع ابناء مصر وابراهيم عادل والصباغ ومحمود ناسا والجعفرى وغيرهم والصورة الجماعيه دى اتكررت اكتر من مره مع ناس تانيه بس الصورة دى بالذات انا جيت فيها اجرى وخدوها وانا مش مستعد------- هذا هو نتاج الجهد الذى بذلناه وان كنا لم نصل الى افضل النتائج لكن حاولنا وبكم سنصل الى الافضل دائماً ولا تتخيلوا كم سعادتى كلما تابعت المدونات ووجدتهم يتحدثون عن فرحتهم بذلك اليومومازلنا ننتظر ارائكم التى سنبنى عليها خطتنا القادمه ونتقبل النقد لأبعد الحدود----على الهامشكل ما بنزل انا وبوهى وسط البلد بيبقى عايز يروح القهوه بتاعة وكالة البلح عشان يدفع للراجل تمن الكوبايه اللى اتكسرت ونسترجع ذكريات بداية الفكره ونطلع ورقه وقلم ونفكر فى فكرة جديده فى ذكيات كتير جميله عن الفكره يمكن نتكلم عنها بعدين معلش احنا مقصرين هنا فى المدونه بس والله مش لاقين وقت حتى مش عارفين ننزل بوستات على مدوناتنا الشخصيه مزاج وانكسارات طبعا المفروض ان المدونة دى كانت مدونتى انا وصاحبى وكنا هنتكلم فيها عن ارهاصتنا بس خلاص ولحين عمل موقع لفكرة مدونات مصرية للجيب هيتم عمل مقر جديد لمدونة انا وصاحبى وهنبقى نعلن عنه لما يخلص طبعا اللى تابعونا من البدايه كانوا عارفين انها مدونه واذاعه وده بردو اللى هيحصل هتبقى مدونة واذاعه وهتفضل المدونه دى للتعبير عن فكرة مدونات مصرية للجيب  قريبا مدونة انا وصاحبى حالة تدوينة مختلفة |
31 May 2008
من كواليس العدد الاول
Posted by أنا و صاحبى at 11:09 PM
Subscribe to:
Post Comments (Atom)
13 رأيك يهمنا:
د/اجدع بنوته
said..
جامده النداره ع فكره
ههههههههههههههههه
ربنا يقويكم يارب
وتفضلوا كده .. تكافحوا م اجل الافضل
31 مايو, 2008 05:15 م
خمسة فضفضة
said..
السلام عليكم ورحمة الله وبركاته
الف مبروك علي تحقيق الحلم ومن نجاح الي نجاح ان شاء الله
31 مايو, 2008 06:32 م
الجدة فصيحة
said..
السلام عليكم ورحمة الله وبركاته
الجدة فصيحة
said..
السلام عليكم ورحمة الله وبركاته
الإنجازات الكبيرة
أصلها خطوات جادة
وأحلام
مبارك لكم
ومن تفوق لتفوق بإذن الله
تحياتي
01 يونيو, 2008 09:08 ص
واصطنعتك لنفسي
said..
أؤمن إن الكلام المكتوب بيكون في جزء دايماً ناقص وهي المشاعر لإن جزء كبير منها بيختفي وراء الكلمات..ممكن كلام يبقي مقصود فيه فرحة..وفي كلام ممكن يصطنع الفرحة..
أنا جيت من مدونة إنكسارات علي هنا بعد ما قريت البوست الجديد ولقيت نفسي بتسائل:
هي كوباية مين فيكم اللي اتكسرت؟
.
.
هي أكيد كواليس لا تنسي
وأحداث لا تنسي
ربنا يوفقكم ومن نجاح لنجاح
الكل فرحان بيكم وده حقيقة
عشان كده لازم انتم كمان تفرحوا بنفسكم..حاولوا تفرحوا أوي قبل الفرحة ما تبقي بفلوس
ماهو ما بقاش مستبعد فعلاً
إيمان
01 يونيو, 2008 01:05 م
د / مصطفي النجار
said..
الف مبروك
01 يونيو, 2008 03:43 م
شــــمـس الديـن
said..
نجاح العدد الاول هو نجاح لكم بشتي المقاييس
بارك الله لكم و اعزكم بجد الفكرة رائدة
02 يونيو, 2008 02:16 م
Ema said..
ألف مبروك النجاح ..نجاحكم بيدي حافز لكل إللي بيحلم بفكره..زي حالاتي ..
وإمتى موعد نشر الكتاب في عدده الثاني..
03 يونيو, 2008 12:26 م
HARD TIMES said..
جميلة اوي يا شباب الكواليس دي بجد ممتازة تعبتم وزرعت وحصدتم
بس انا كنت عاوز اعرف مين اللي كان عينه في السحلب لحد ما الكوبايه اتكسرت هههههههههههههه
بصراحة موقف جاااامد
مستنين الجديد ليكم
بالتوفيق ان شاء الله
تحياتي ليكم
04 يونيو, 2008 06:03 م
nonoymm said..
السلام عليكم
ربنا يبارك فيكم
عقبال العدد الجاي
تحياتي
04 يونيو, 2008 10:02 م
dr.Roufy said..
بجد جهد مُفرح ومميز
الف مبروك , وان شاء الله تتوالى النجاحات
06 يونيو, 2008 06:36 ص
7akwena said..
كنت بفكر والله
ازاى ابتدت الفكره دى والموضوع بدأ ازاى ومنين ومين اللى قاله للتانى
كأنك بتقرى افكارى وبترد عليا
الف مبروك ليكم ولين ولكل المدونين
06 يونيو, 2008 03:59
رائع رائع حقاً أيها الصديقان
أعلم أني تأخرت على التعليق والرد ولكن.. ولكن لا أجد الكلمات
أنتما أثبتما لي أن من يبذل قصارى جهده لا بد أن يجنى ثمار تعبه
حقاً لا يضيع الله أجر من أحسن عملا
لقد بكيت نعم بكيت من الفرحة لقد أعدتما لي الثقة أن من يثابر ويجتهد يجنى ثمار جهده هذا في نهاية المطاف
لابد من ذلك
وفقكما الله وإلى الأمام دائماً
أنتما مثالاً للشباب
هؤلاء الشباب الذي سرعان ما ييأس من اول عقبة تقف أمامه في الحياة
أنتما أثبتما للجميع أنه ليس هناك مستحيل
لديك الهدف ولديك الحلم اسعى بكل قوتك حتى تحققه
وستحققه في الآخر
على قد إخلاصك في تحقيق هذا الهدف والحلم على قد مهتلاقي
أنتما مثالاً للإخلاص في العمل والاجتهاد والسعي لتحقيق الحلم
فكرة صغيرة حلمتما بها أصبحت مشروع كبير ما أروعكما
إلى الأمام دائماً
ووفقكما الله
واستمتعا بجنى ثمار مجهودكما
فأنتما تستحقان ذلك بعد كل هذا المجهود والتعب
Post a Comment